Bhari Mahfil Mein Ganwane Ke Liye Kuchh Bhi Nahin

bharī mahfil meñ gañvāne ke liye kuchh bhī nahīñ

ab mire paas zamāne ke liye kuchh bhī nahīñ

ek chehra hai jahāñ dard kī do āñkheñ haiñ

dil nahīñ aur dikhāne ke liye kuchh bhī nahīñ

merā kirdār kahānī meñ bhī mar jā.egā

rā.egāñ hai jo fasāne ke liye kuchh bhī nahīñ

raat ḳhāmoshī liye yuuñ to chalī aa.ī hai

aaj par mujh ko Darāne ke liye kuchh bhī nahīñ

Leave a Comment