Nazeer Akbarabadi
buton ki kakulon ke dekh kar pech
pade hain dil pe kya kya pech par pech
tariq-e-ishq be-rahbar na ho tai
ki hai ye rah nihayat pech-dar-pech
na hove dil ki tukkal kat ke barbad
agar daale na vo tar-e-nazar pech
vo zulf us ki jo hai pur-pech o pur-kham
kamand-e-jan hai ai dil us ka har pech
‘nazir’ ik roz apne zakhm-e-sar ko
jo bandha ham ne de kar beshtar pech
nazar karte hi us sarkash ne ik baar
kaha kar ke sukhan ka mukhtasar pech
dua diije hamari tegh ko aaj
ki jis ne aap ko bakhsha ye sar-pech
Leave a Reply