bad-sohbaton ko chhod sharifon ke saath ghuum
pi khush-numa glass se achchhe labon ko chuum
lahje ko shokh chehre ko taaza banae rakh
tahsin ki saba ho ki taz.hik ki sumum
mai-khana-e-mafad ke mai-kash hain hosh-mand
mauqaa se le le jaam tavazun ke saath jhuum
burj-e-”amal” men ”chance” ke suraj ki kar giraft
sadken hain ”zaicha” tira ye qumqume nujum
thahra to phir udaengi khamoshiyan mazaq
stage se utar jo mache taliyon ki dhuum
haan gulshan-e-talab ki inhen bulbulen samajh
viran-kade men jism ke ye khvahishon ke buum
Leave a Reply