ik be-hunar huun aur hunar chahti huun main
ab dhuup ke safar men shajar chahti huun main
tanha.iyon ka ḳhauf hai ghere hue mujhe
apni gali se us ka guzar chahti huun main
likkha hai apne naam se apne pate pe ḳhat
muddat ke ba.ad apni ḳhabar chahti huun main
ye Thiik hai ki tum se mohabbat nahin mujhe
ye bhi hai Thiik tum ko magar chahti huun main
hai kya ajab ki tark-e-ta.alluq ke bavajud
chehre pe apne us ki nazar chahti huun main
Leave a Reply