katra ke gulsitan se jo su-e-qafas chale
aisi koi hava bhi to ab ke baras chale
adab-e-qafila bhi hain zanjir-e-pa-e-shauq
ye kya safar asir-e-sada-e-jaras chale
maana hava-e-gul se the be-iḳhtiyar ham
phir bhi bacha ke raah ka har ḳhar-o-ḳhas chale
pamal ho ke rah ga.e jashn-e-bahar men
ye fikr thi chaman pe ḳhizan ka na bas chale
ai chashma-e-hayat na di tu ne buund bhi
ham tishna-kam abr ki surat baras chale
sub.hen bhi aa ke zahr rag-e-jan men bhar na den
hijran-e-yar tere andhere to Das chale
un ki ye zid vo dekhen gada-e-rafu hamen
ham ko ye fikr un ke gareban pe bas chale
tha pas-e-abru-e-tamanna hamen ‘vahid’
chun kar gul-e-murad sab ahl-e-havas chale
Leave a Reply