hangama-ha-e-bada-o-paimana dekh kar
ham ruk ga.e hain raah men mai-ḳhana dekh kar
ba-ehtiram saghar-o-mina baḌha diye
saaqi ne meri jur.at-e-rindana dekh kar
phir yaad aa ga.i hai tiri chashm-e-mai-farosh
mahfil men raqs-e-bada-o-paimana dekh kar
hairan huun un ke dida-e-hairan ko kya kahun
divane ho ga.e mujhe divana dekh kar
tauba ka ehtiram bhi lazim raha magar
niyyat badal ga.i miri paimana dekh kar
har astan se garche rahe be-niyaz ham
sajde men gir ga.e dar-e-mai-ḳhana dekh kar
Leave a Reply