Kaise Ho Kya Hai Haal Mat Puchho

kaise ho kyā hai haal mat pūchho

mujh se mushkil savāl mat pūchho

kis ne tum ko satāyā hai itnā

kis liye hai malāl mat pūchho

kyuuñ vo ḳhud ko nazar nahīñ aatā

kyuuñ hai shīshe meñ baal mat pūchho

jabr kis kā hai kaun hai majbūr

kis ne pheñkā hai jaal mat pūchho

kaun mirī ḳhushī kā dushman hai

mujh se tum us kā haal mat pūchho

Leave a Comment