Saeed Ahmad Akhtar
teri yadon ko bula kar tire gesu ki tarah
pahne rahte hain dariche miri ḳhushbu ki tarah
haa.e jab hijr ki shab men tire boson ki miThas
phail jaati hai mire honTon pe jaadu ki tarah
tu mire baagh se toḌe hue ghunche ki misal
main tire dasht men bhaTke hue aahu ki tarah
asman banTta rahta hai nasibe ‘aḳhtar’
din ko moti ki tarah raat ko aansu ki tarah
Leave a Reply