vaan zerki pasand na idrak chahiye
ijz-o-niyaz-e-dida-e-namnak chahiye
aina ban ki shahid-o-mashhud ek hai
us ru-e-pak ko nazar-e-pak chahiye
sair-o-suluk-e-jan nahin be-jazba-e-nihan
is raah men ye tausan-e-chalak chahiye
guzre ummid-o-bim se ye hausla kise
rind-e-kharab-o-arif-e-bebak chahiye
har chashma aaina hai rukh-e-aftab ka
haan sath-e-ab be-khas-o-khashak chahiye
nash-o-numa-e-sabza-o-gul men nahin darang
abr-e-karam ko tishnagi-e-khak chahiye
islah-e-hal-e-ashiq-e-dil-khasta hai zarur
maashuq jaur-pesha-o-saffak chahiye
jo ain-e-na-e-nosh ho us bada-nosh ko
jam-o-subu na khum-kada-o-tak chahiye
sayyad ke asar pe ravan ho to said hai
vo said hi nahin jise fitrak chahiye
Leave a Reply