Yahya Khan Yusuf Zai
us ke shoḳh labon ki laali Das legi
nagan jaisi ankhon vaali Das legi
us ke zahr-e-nigah men koi masti hai
lagta hai vo chashm-e-ghazali Das legi
shahzadi ka jism ḳhazane jaisa hai
pahre-daron ko rakhvali Das legi
din bhar to office men bak bak karta huun
shaam ko phir tanha.i saali Das legi
kaun kisi ka bojh yahan par sahta hai
aḳhir phulon ko bhi Daali Das legi
Leave a Reply