chhanv se us ne daman bhar ke rakkha hai
jis ne dhuup ko uupar sar ke rakkha hai
pal pal ḳhuun bahata huun in ankhon se
main ne ḳhud ko manda mar ke rakkha hai
saari baat hi pahle qadam ki hoti hai
pahla qadam hi tu ne Dar ke rakkha hai
apne hi bas pichhe bhagta rahta huun
ḳhud ko hi bas aage nazar ke rakkha hai
ḳhud hi khaḌe hue hain apne pairon par
haath apna hi uupar sar ke rakkha hai
‘shaz’ us se hi ḳhush hota hai vaqt ustad
yaad sabaq sab jis ne kar ke rakkha hai
Leave a Reply