Ise Tere Gham Ki KHabar Na Ho to Har Ek Gham Ko Chhupae Rakh

ise tere ġham kī ḳhabar na ho to har ek ġham ko chhupā.e rakh

vo harī rutoñ kā gulāb hai use dhuup rut se bachā.e rakh

vo jo ek baar chalā gayā to kabhī palaT ke na aa.egā

use ruuTh jaane se rok le ye diloñ kā rabt banā.e rakh

yahī chāhatoñ kā usuul hai ki hatheliyoñ pe lahū sajā

use yaad rakhne kī aarzū hai to apne dil ko bhulā.e rakh

koī sham.a hai ki jo bujh ga.ī to na.e sire se jalā liyā

ye charāġh dil kā charāġh hai use āñdhiyoñ se bachā.e rakh

Leave a Comment