ghubar-e-nur hai ya kahkashan hai ya kuchh aur
ye mere charon taraf asman hai ya kuchh aur
jo dekha arsh-e-tasavvur se barha socha
ye ka.enat bhi aks-e-ravan hai ya kuchh aur
main kho.e jaata huun tanha.iyon ki vus.at men
dar-e-ḳhayal dar-e-la-makan hai ya kuchh aur
firaq-e-umr ki had kyuun laga.i hai us ne
mira vajud hi us ko giran hai ya kuchh aur
azal se ta-ba-abad jast ek saa.at ki
yahi bas arsa-e-kar-e-jahan hai ya kuchh aur
Leave a Reply