Shuja Khaavar
halat na badlen to isi baat pe rona
badlen to badalte hue halat pe rona
paḌ ja.ega tum ko bhi gham-e-zat pe rona
jis baat pe hanste ho usi baat pe rona
iz.har men quvvat hai to mil ja.ega mauzua
sukha nahin paḌta hai to barsat pe rona
is shahr men sab Thiik hai kya soch rahe ho
rona hai to apne hi ḳhayalat pe rona
main aap ki is sard-mizaji pe hansunga
aur aap miri shiddat-e-jazbat pe rona
Leave a Reply