ḳhana-e-dil ka jo tava.if hai
qasd-e-bait-ul-haram se ḳha.if hai
aa.ina husn ke sahife ka
lauh-parvaz hai saha.if hai
gul-ruḳhon men latifa-go hain hazar
par vo guldasta-e-zara.if hai
zikr tera ba-rabb-e-ka.aba sanam
ham ko aurad hai vaza.if hai
kya kahun main zarafaten us ki
be-suḳhan ma.adin-e-zara.if hai
nashsha-e-hosh se ye kaifiyyat
alam-e-kaif pur-kava.if hai
ai ‘muhib’ kijiye dil us ki nazar
yahi tohfa yahi taha.if hai
Leave a Reply