raushan hai bazm-e-sho.ala-ruḳhan dekhte chalen
is men vo ek nur-e-jahan dekhte chalen
va ho rahi hai mai-kada-e-nim-shab ki aankh
angḌa.i le raha hai jahan dekhte chalen
sargoshiyon ki raat hai ruḳhsar o lab ki raat
ab ho rahi hai raat javan dekhte chalen
dil men utar ke sair-e-dil-e-rah-ravan karen
aahon men Dhal ke zabt-e-fughan dekhte chalen
kaise hain ḳhanqah men arbab-e-ḳhanqah
kis haal men hai pir-e-mughan dekhte chalen
maazi ki yadgar sahi yad-e-dil to hai
tarz-e-nashat-e-nauha-garan dekhte chalen
sab vasvase hain gard-e-rah-e-karvan ke saath
aage hai mish.alon ka dhuan dekhte chalen
anchal se uḌ rahe hain fazaon men duur duur
shayad vahi ho jan-e-butan dekhte chalen
aa hi ga.e hain raqs-gah-e-gul-ruḳhan men ham
kuchh rang-o-bu ka sail-e-ravan dekhte chalen
Leave a Reply