usi ne aadam ke naqsh-e-pa ko azal kiya tha bharam rakha tha
zamin pe jalva-fagan na ho kar bhi jis ne pahla qadam rakha tha
ham ek tartib se tumhari udaas nazmon pe ro chuke hain
ki ansuon aur ḳhuun ke beach DeḌh siski ka sam rakha tha
za.iif vaqton men apne kumbe ki zimmedari uTha.i ham ne
tumhare abbu ne munh dikha.i men is hatheli pe gham rakha tha
inhi gulon se ab aThvin sur ki miThi avaz aa rahi hai
jinhon ne hijran ki raat larzish ke ḳhaas unsur ko kam rakha tha
use batana ki apne dariyaon ki hifazat ke kaam aa.e
vo peḌ kashti bane hue hain jinhon ne sahra men nam rakha tha
Leave a Reply