Gham Ki Tha Harif-E-Jaan Ab Harif-E-Jaanan Hai

ġham ki thā harīf-e-jāñ ab harīf-e-jānāñ hai

ab vo zulf barham hai ab vo chashm giryāñ hai

vus.atoñ meñ dāman kī in dinoñ garebāñ hai

ham-nafas kahīñ shāyad mausam-e-bahārāñ hai

rang-o-bū ke parde meñ kaun ye ḳhirāmāñ hai

har nafas mo.attar hai har nazar gulistāñ hai

dair kyā haram kyā hai bandagī ye kyā jaane

ham jahāñ pe haiñ vaa.iz kufr hai na īmāñ hai

shukriya magar nāseh tū ye ‘rāz’ kyā jaane

jaur barmalā un kā iltifāt pinhāñ hai

Leave a Comment