Azra Abbas
ab aa gaya lafzon ke zaval ka vaqt
bahut shorida-sar
dilon ko kuchalte hue
suron ko raundte hue
nikle the
ab khamoshi aur sannate ke
darmiyan
ye tukur tukur dekhenge
jab ek dusre se takrati chizon
ki avazen bhi
un ka saath nahin dengi
bahega paani
ek mauj bhi nahin degi unhen
javab
sab dhakel denge unhen
samundar men
khamoshi se
yahi hai un ka muqaddar
Leave a Reply