Fauziya Rabab
usi ka zikr kahani se iqtibas rahe
vo har ghadi jo mire vaste udaas rahe
ye us ka qurb mujhe ishq ki ata se mila
vo duur jaae magar mere as-pas rahe
tarah tarah se mujhe tu bichhad bichhad ke mila
tarah tarah ke mire zehn men qayas rahe
tumhare gham ke siva aur koi gham bhi na tha
tumhare dard mire dard ki asaas rahe
vo kitne naaz se kahne lage ‘rabab’ agar
udaas rahne lagi hai to phir udaas rahe
Leave a Reply