vo hansmukh aur hasin ladki
jo ab tak mujh men zinda hai
nahin badli hai vo ab tak
usi fitrat men raushan hai
usi hairat men zinda hai
guzarte vaqt ke ham-rah
bahut manzar badalte hain
hua ke rukh badalte hain
hamari zaat ke yuun to
sabhi mausam badalte hain
nahin badli hai vo ab tak
vo hansmukh aur hasin ladki
magar main janti kab huun
vo mujh men mar chuki hai
ya hai vo zinda
Leave a Reply