dida-e-hairan ne tamasha kiya
der talak vo mujhe dekha kiya
zabt-e-fughan go ki asar tha kiya
hausla kya kya na kiya kya kiya
aankh na lagne se shab ahbab ne
aankh ke lag jaane ka charcha kiya
mar gae us ke lab-e-jan-bakhsh par
ham ne ilaaj aap hi apna kiya
bujh gai ik aah men sham-e-hayat
mujh ko dam-e-sard ne thanda kiya
ghair ayadat se bura mante
qatl kiya aan ke achchha kiya
un se pari-vash ko na dekhe koi
mujh ko miri sharm ne rusva kiya
zindagi-e-hijr bhi ik maut thi
marg ne kya kar-e-masiha kiya
paan men ye rang kahan aap ne
aap mire khuun ka daava kiya
jaur ka shikva na karun zulm hai
raaz mira sabr ne ifsha kiya
kuchh bhi ban aati nahin kya kijiye
us ke bigadne ne kuchh aisa kiya
jaae thi teri mire dil men so hai
ghair se kyuun shikva-e-beja kiya
rahm falak aur mire haal par
tu ne karam ai sitam-ara kiya
sach hi sahi aap ka paiman vale
marg ne kab vada-e-farda kiya
daava-e-taklif se jallad ne
roz-e-jaza qatl phir apna kiya
marg ne hijran men chhupaya hai munh
lo munh usi parda-nashin ka kiya
dushman-e-‘momin’ hi rahe but sada
mujh se mire naam ne ye kya kiya
Leave a Reply