Sahiba Sheheryar
use yaqin miri baton pe ab na aa.ega
mira lahu hi mere ba.ad haq jata.ega
vo baat karne se pahle hi zaḳhm deta hai
har ek zaḳhm use aa.ina dikha.ega
ye kaisi rasm jise chaah ke nibha na sake
zamana hai ye kisi din badal hi ja.ega
vo janta hi kahan hai mere qabile ko
meri jaḌon ko kuredega jaan ja.ega
pul sirat se har roz hai safar mera
ye dekhna hai kahan tak vo azma.ega
Leave a Reply