Zulf ghaTa Ban Kar Rah Jae Aankh Kanwal Ho Jae

zulf ghaTā ban kar rah jaa.e aañkh kañval ho jaa.e

shāyad un ko pal bhar socheñ aur ġhazal ho jaa.e

jis dīpak ko haath lagā do jaleñ hazāroñ saal

jis kuTiyā meñ raat bitā do tāj-mahal ho jaa.e

kitnī yādeñ aa jaatī haiñ dastak diye baġhair

ab aisī bhī kyā vīrānī ghar jañgal ho jaa.e

tum aao to pañkh lagā kar uḌ jaa.e ye shaam

mīloñ lambī raat simaT kar pal do pal ho jaa.e

Leave a Comment