Ahmad Khayal
use ik ajnabi khidki se jhanka
zamane ko nai khidki se jhanka
vo puura chand tha lekin hamesha
gali men adh-khuli khidki se jhanka
men pahli martaba nashshe men aaya
koi jab dusri khidki se jhanka
amar hone ki khvahish mar gai thi
jab is ne daimi khidki se jhanka
men sabze par chala tha nange paanv
sahar dam shabnami khidki se jhanka
mujhe bhate hain lamhe ikhtitami
men pahle akhiri khidki se jhanka
Leave a Reply