apni biiti hui rangin javani dega
mujh ko tasvir bhi dega to purani dega
chhod jaega mire jism men bikhra ke mujhe
vaqt-e-rukhsat bhi vo ik shaam suhani dega
umr bhar main koi jaadu ki chhadi dhundungi
meri har raat ko pariyon ki kahani dega
ham-safar miil ka patthar nazar aaega koi
fasla phir mujhe us shakhs ka saani dega
mere mathe ki lakiron men izafa kar ke
vo bhi maazi ki tarah apni nishani dega
main ne ye soch ke boe nahin khvabon ke darakht
kaun jangal men lage ped ko paani dega