Poet
us zulf se dil ho kar azad bahut roya
ye silsila-e-ulfat kar yaad bahut roya
rahm us ko na tha hargiz har chand bahal-e-sag
us kuche men main kar kar fariyad bahut roya
mazlumi miri aur zulm dekh us but-e-kafir ka
rahm aaya sitam ke taiin be-dad bahut roya
dil gham se na ho khali rone se mira lekin
ta ho mire rone se vo shaad bahut roya
is ishq ki majburi naseh pe khuli jab se
kar mana-e-mohabbat ka irshad bahut roya
dekhi na khuda-tarsi ik gabr o musalman se
har ik se talab kar kar main daad bahut roya
anjam mohabbat ka bujha tha magar us ko
jab dil laga shirin se farhad bahut roya
hai taza-giraftaron ki fariyad ko kya riqqat
shab naala mira sun kar sayyad bahut roya
sangin-dili us but ki main jis se kahi ‘hasrat’
har-chand dil us ka tha faulad bahut roya
Leave a Reply