Ramz Azimabadi
main zamane men huun lekin ye zamana tera
haath mera hai luTata hai ḳhazana tera
tiir tera hai kaman teri nishana tera
daam mera hai tah-e-dam hai daana tera
da.ere sab ne aqa.ed ke bana rakkhe hain
varna maḳhsus nahin koi Thikana tera
jo bhi sunta hai vo unvan naya deta hai
gasht karta hai zamane men fasana tera
tez chalti rahi tanqid-o-siyasat ki hava
gard-alud hava a.ina-ḳhana tera
ham-nava kis ko bana.un kise hamraz karun
main akela huun zamane ka zamana tera
Leave a Reply