us shoḳh ke andaz ko dekha to ghazab hai
aur us ke siva naaz ko dekha to ghazab hai
baton men jo chhal leve hai dil pir-o-javan ka
us tifl-e-dua-bar ko dekha to ghazab hai
kya kya na kaha us ne mujhe teri taraf se
kafir tire hamraz ko dekha to ghazab hai
har-chand ki hai tuti-e-hind ek hi ḳhush-go
par bulbul-e-shiraz ko dekha to ghazab hai
har-chand ki hai ishq ka anjam hi kuchh qahr
har husn ke aghaz ko dekha to ghazab hai
ham ‘muntazir’ itna na samajhte the use lek
ḳhuub us but-e-ḳhud-saz ko dekha to ghazab hai
Leave a Reply