Sultan Akhtar
hara shajar na sahi ḳhushk ghaas rahne de
zamin ke jism pe koi libas rahne de
kahin na raah men suraj ka qahr TuuT paḌe
tu apni yaad mire as-pas rahne de
bikhar chuke hain sama.at ke talḳh shiraze
ab apne naram labon ki miThas rahne de
vo dekh Dah chukin vahm-o-guman ki divaren
yaqin chiḳh raha hai qayas rahne de
baḌa latif andhera hai raushni na jala
urus-e-shab ko abhi ḳhush-libas rahne de
tasavvurat ke lamhon ki qadr kar pyare
zara si der to ḳhud ko udaas rahne de
Leave a Reply