Poet
ai ham-daman bhulao na tum yad-e-raftagan
vamandgan ko hai yahi irshad-e-raftagan
jo ghuncha na-shagufta hi jhaḌ jaa.e shaḳh se
hai is chaman men vo dil-e-nashad-e-raftagan
chashm-o-dil-o-jigar ke liye ashk-e-dard-o-dagh
ham paas hai ye tohfa-e-imdad-e-raftagan
is karvan-sara men ye bang-e-jaras nahin
hai ye sada-e-nala-o-faryad-e-raftagan
asida-o-ravinda se puchha bahut ‘muhib’
daryaft par na kuchh hui rudad-e-raftagan
Leave a Reply