Mirza Altaf Husain Alim Lucknowi
sar-o-gardan ki juda.i dekho
tegh-e-qatil ki safa.i dekho
tegh lachka ke uTha.i dekho
na muḌak jaa.e kala.i dekho
mujh se kahta hai lahu mal ke mira
ye mire dast-e-hina.i dekho
mahfil-e-yar talak pahunchaya
meri qismat ki rasa.i dekho
TuuT jaa.e na hamari tauba
phir ghaTa charḳh pe chha.i dekho
main kahan aur kahan rif.at-e-arsh
magar aahon ki rasa.i dekho
kyuun bigaḌte ho kisi se ‘alim’
apni qismat ki bura.i dekho
Leave a Reply