main kar na paaya zabt zi-bas chiḳhta raha
jab aa.i mujh ko yaad qafas chiḳhta raha
azadiyon ka charcha sar-e-asman tha
aur ek panchhi zer-e-qafas chiḳhta raha
qatra bhi tere honTon se mujh ko nahin mila
main pyaas pyaas pyaas hi bas chiḳhta raha
hai umr meri biis baras aur us men se
lag-bhag main barah terah baras chiḳhta raha
dahshat men paḌ gaya malak-ul-maut dekh kar
phir us ne kaaTi tar-e-nafas chiḳhta raha
faisal jo paak saaf the azad ho ga.e
main tha asir-e-hirs-o-havas chiḳhta raha
Leave a Reply