Dariya Tufan Bah Raha Hai

dariya tufan bah raha hai

ankhon ka ajiib majra hai

zahid ko ghurur zohd ka hai

rindon ko khuda ka aasra hai

zikr un ke dahan ka ja-ba-ja hai

hai kuchh bhi nahin ye baat kya hai

divar ka un ki saaya thahra

ik ye bhi saadat-e-huma hai

ham-chashmi aur un ki ankhdiyon se

nargis tujhe kuchh bhi sujhta hai

paanv ke hamare go kharosi

ik ik kanta khatak gaya hai

ulfat hai khuli hui buton se

allah se ‘mehr’ kya chhupa hai

Leave a Comment