ik anjan raah par donon
mil ga.e aaj be-ḳhatar donon
phuul hai ek ek patthar hai
ban ga.e kaise ham-safar donon
fasle aise kam nahin honge
chhoḌ den apna apna ghar donon
Takkaren le rahe hain duniya se
dil men rakhte nahin hain Dar donon
taaḌ lete hain taḌne vaale
go milate nahin nazar donon
raat ik dusre men Duub ga.e
ho ga.e ḳhud se be-ḳhabar donon
ho ke gumrah aj-kal ‘rahi’
phir rahe hain nagar nagar donon
Leave a Reply