Parveen Kaif
ab vo angan vo ghar na khaprelen
peḌ panchhi na phuul aur belen
zindagi ham tire muhafiz hain
kyon na phir apni jaan par khelen
asman se humakta rahta hai
chand ko laao god men le len
apne ghar ki ghuTan hi behtar hai
hijraton ka azaab kyon jhelen
vazn par hon ghazal ke sab misre
piḌhiyon se na utrin ye railen
kya jara.em ka sadd-e-bab hua
aur abad ho ga.iin jelen
ab to sasti hai sha.iri ‘parvin’
lagti rahti hain aa.e din selen
Leave a Reply