ek khuda par takiya kar ke baith gae hain
dekho ham bhi kya kya kar ke baith gae hain
puchh rahe hain log are vo shakhs kahan hai
jaane kaun tamasha kar ke baith gae hain
utre the maidan men sab kuchh thiik karenge
sab kuchh ulta sidha kar ke baith gae hain
saare shajar shadabi samete apni apni
dhuup men gahra saaya kar ke baith gae hain
laut gae sab soch ke ghar men koi nahin hai
aur ye ham ki andhera kar ke baith gae hain
Leave a Reply