Gulabi honTh Ye Qashqa Tumhaara

gulābī hoñTh ye qashqa tumhārā

mujhe bhāne lagā chehra tumhārā

laboñ ko paḌ ga.ī aadat laboñ kī

bahut mahñgā paḌā bosa tumhārā

makān-e-jism yuuñ to Dah gayā par

qayāmat Dhā rahā malba tumhārā

maiñ jab bhī sochtā huuñ ḳhud-kushī kī

bachātā hai mujhe chehra tumhārā

hameñ bichhḌe hue arsa huā par

abhī tak dil meñ hai nashsha tumhārā

Leave a Comment