Zameer Kazmi
us shaam ko jab ruuTh ke men ghar se chala tha
ik saaya bhi bichhḌe hue manzar se chala tha
ab asman hathon men hai pairvi men zamin hai
main be sar-o-saman tire dar se chala tha
be-bas use kar degi havaon ki siyasat
badal ka vo TukḌa jo samundar se chala tha
dene laga akash ke darvazon pe dastak
insan ka vo daur jo patthar se chala tha
us shaḳhs ki shohrat ko na paimana banao
khoTa tha vo sikka jo muqaddar se chala tha
Leave a Reply