Yaad-E-Gesu-O-Qad-E-Yar Liye Phirte Hain

yād-e-gesū-o-qad-e-yār liye phirte haiñ

ham kahīñ hoñ rasan-e-dār liye phirte haiñ

ham haiñ vo chāk-garebāñ jo zamāne ke liye

shauq-e-pairāhan-e-zar-tār liye phirte haiñ

muddateñ ho ga.iiñ us dāman-e-rañgīñ se chhuTe

aaj tak dīda-e-ḳhūñ-bār liye phirte haiñ

sharm ai zom-e-masīhā.ī ki ab bhī lākhoñ

jism-e-bīmār-o-dil-e-zār liye phirte haiñ

Leave a Comment