us ka koi mujhe pata hi nahin
vo mire shahr men raha hi nahin
us ki ankhen ajiib ankhen thiin
ḳhvab jin men kabhi saja hi nahin
tera inkar kya qayamat hai
log kahne lage ḳhuda hi nahin
vo ḳhayalon men ghar men rahta hai
vo safar par kabhi gaya hi nahin
umr bhar tera zikr karna hai
ek din ka ye silsila hi nahin
chand shab bhar udaas rahta hai
vo dariche se jhankta hi nahin
fasla kuchh na kuchh rakha us ne
TuuT kar vo kabhi mila hi nahin
Leave a Reply