Hasan Kamal
apni vaj.h-e-barbadi jante hain ham lekin kya karen bayan logo
maslahat-parasti par har qadam raha ham ko jurm ka guman logo
ḳhair ham to kanTe the aur hamen kuchalna bhi vaqt ka taqaza tha
phuul jin ko samjhe the ab suna hai un se bhi hain vo sargiran logo
jis kai ishq ki ham par tohmaten lagate ho us hasin paikar par
ham ne dil hi khoya hai tum jo dekhte shayad vaar dete jaan logo
kya sabab bata.en ham nala-e-shabana ka puchh lo in ankhon se
is nigah-e-jadu men apne har tabassum ki hain kahaniyan logo
vaqt ki nazakat ka aaj jo taqaza hai jurm kal na kahla.e
toḌ do ḳhamoshi ke ahani hisaron ko khol do zaban logo
sher kya ghazal kaisi ai ‘hasan’ ye fan hai jis ko kuchh hi samjhenge
DhunDh paao to DhunDho in chhupe isharon men apni dastan logo
Leave a Reply