makan becha nahin main ne guzara chal raha hai
nadi apni jagah par hai kinara chal raha hai
ibadat men abhi mashghul hain in ko na chheḌo
vafa kis se karenge istiḳhara chal raha hai
main ḳhud parvaz se apni pareshan aj-kal huun
zamana hai zamin par aur bichara chal raha hai
na samjhao mujhe yuun hiir aur ranjhe ka chakkar
vahi hai naan jo barson se hamara chal raha hai
abhi kuchh der pahle jis ko raazi kar liya tha
‘naved’ us se mira jhagḌa dobara chal raha hai
Leave a Reply