Poet
pi ke kar leta huun tauba jab se ye dastur hai
dil bhi raushan hai mira munh par bhi mere nuur hai
aah karta huun to barham ke liye hote ho tum
dard-mandan-e-mohabbat ka yahi dastur hai
ghair se milne ke shikve par qayamat dha gaya
un ka ye kahna ki dil se aadmi majbur hai
main saval-e-vasl kar ke us ada par mit gaya
hans ke farmaya ki ye darkhvast na-manzur hai
hashr men allah se fariyad un ke zulm ki
ai ‘rasa’ ye baat to shart-e-vafa se duur hai
Leave a Reply