Agha Shayar Qazalbash
uryan hi rahe laash gharib-ul-vatani men
dhabbe mire isyan ke na aaen kafani men
iqrar pe bhi meri tabiat nahin jamti
vo lutf mila hai tiri paiman-shikani men
dil tuut ke judta nahin shisha ho to jud jaae
hai farq yahi sokhtani sakhtani men
hasrat hai miri aap ki tasvir nahin hai
ik chiiz hai rakh li hai chhupa kar kafani men
ham bhi kabhi pariyon men raha karte the ‘shair’
kya dekhte ho ham ko gharib-ul-vatani men
Leave a Reply