Poet
uqab-e-fikr akela hai barf-zaron men
ki chand jaaḌe ka jaise larazte taron men
vo aankh noch de jis ko bhari baharon men
lahu ka rang nazar aa.e absharon men
chala hai qafila-e-ashiqan ki shola-ruḳhan
dabi dabi si hain chingariyan ghubaron men
sambhal gaya mira girta badan uTha ke tujhe
main phir chala huun phisalte hue dayaron men
sukut-e-fikr ke unvan pe baat chal nikli
ik aisa sher paḌh aa.e hain shahar-yaron men
Leave a Reply