Bedam Shah Warsi

Kaun Sa Ghar Hai Ki Ai Jaan Nahin Kashana Tera Aur Jalwa-Khana Tera

kaun sa ghar hai ki ai jaan nahin kashana tira aur jalva-khana tira

mai-kada tera hai kaaba tira but-khana tira sab hai janana tira

tu kisi shakl men ho main tira shaidai huun tera saudai huun

tu agar shama hai ai dost main parvana tira yaani divana tira

mujh ko bhi jaam koi pir-e-kharabat mile teri khairat mile

ta-qayamat yunhi jaari rahe paimana tira rahe mai-khana tira

tere darvaze pe hazir hai tire dar ka faqir ai amiron ke amiir

mujh pe bhi ho kabhi altaf-e-karimana tira lutf-e-shahana tira

sadqa mai-khane ka saaqi mujhe be-hoshi de khud-faramoshi de

yuun to sab kahte hain ‘bedam’ tira mastana tira ab huun divana tira

More Poems

Leave a Comment