un ki peshani pe dekha to ka.i bal nikle
dosto tum hi batao ki koi hal nikle
baghban tha tira ilzam yahan chori ka
phuul nikle na yahan se na yahan phal nikle
gaaon gaaon bhare talab thi itni barish
aur bin barse mire gaaon se badal nikle
izzaten luuT ke jo qatl kiya karte the
jab vo pakḌe ga.e dekha nire pagal nikle
arzuon se lade jismon ka ab kya hoga
be-shumar aise the un men ki jo bekal nikle
karte rahna hi baḌa kaam hai is duniya men
bin kiye dosto apna na koi pal nikle
ai ‘niyazi’ na suna hal-e-tabahi us ka
dar bhi insaf ke jo the vo muqaffal nikle
Leave a Reply