un ki nigah-e-naz ka mastana ho gaya
main hosh men kuchh aur bhi divana ho gaya
zahid ka ḳhauf aur na kuchh mohtasib ka Dar
ab to mizaj-e-shaiḳh bhi rindana ho gaya
marne ke baad khul ga.iin saari haqiqaten
jo zindagi men raaz tha afsana ho gaya
yaden ga.iin vo shauq vo arman luT ga.e
abad tha jo dil kabhi virana ho gaya
majnun ke baad puchhta tha kaun najd ko
abad mere dam se ye virana ho gaya
aulad-e-nek-baḳht ki ‘azam’ se puchhiye
jo apne ghar men aap hi begana ho gaya
Leave a Reply