un se bargashta-nigahi ke siva kuchh na mila
aḳhir-e-kar tabahi ke siva kuchh na mila
dil ko har-chand kureda magar us ki tah men
ek bahke hue raahi ke siva kuchh na mila
chand taare nigah-e-pas men nikle be-nur
asmanon men siyahi ke siva kuchh na mila
tajziya un ke iradon ka jo karne baiThe
ghair ki pusht-panahi ke siva kuchh na mila
ki ‘munavar’ ne dua jo bhi vo nakam rahi
ajr men qahr-e-ilahi ke siva kuchh na mila
Leave a Reply